皇馬「薩」敵唔眨眼

狂掃5波之後皇馬王牌C.朗拿度宣告「王者歸來」。

週三凌晨，歐冠分組賽正式打響，其中一場賽事，A組的西甲豪門皇家馬德里主場迎戰烏克蘭勁旅薩克達。皇家馬德里今年是連續第二十年參加歐冠正賽，這支十次奪得歐冠盃的豪門依然繼續在刷新歐洲足球紀錄。而薩克達近兩年都沒有缺席歐冠正賽，上一屆更加殺入佐十六強，實力不容忽視。不過薩克達始終是和「十冠王」實力上存在差距，今場賽事很大可能出現一面倒的局面。

身為全世界最為矚目的球會，皇家馬德里新賽季開始後成績一般般，不過上一場在聯賽6比0擊敗愛斯賓奴之後，皇馬終於展現出久違的王者氣質，然而最令人興奮的是球隊王牌C.朗拿度終於搵翻「射門鞋」，係二十分鐘之內完成帽子戲法並且全場射入5波，根本無人可以阻止到這位當世頂尖球星。至於隊內另外一位巨星中場G.巴利近兩場入波助攻兩不誤，成功串聯球隊以及推翻外界傳聞他與C.朗拿度不和。睇翻今場比賽，皇馬係過去兩個賽季歐冠分組賽，所有的6個主場全部贏曬加埋入20波，成績相當驕人，實力方面無須多講，天時地利人和，皇馬要邊樣有邊樣，想唔贏都難。陣容方面，上一場兩位缺陣的大將中場占士洛迪古斯和後衛丹尼路雷斯繼續高掛免戰牌，不過眼看皇馬如今重回正軌，兩位都可以放心休養。

薩克達這兩年都叫做係歐冠常客，上賽季更是分組次席出線，不過邭獯_實欠佳，在首回合迫和德甲巨「仁」之後去到安聯球場俾對方狂掃7蛋打回原形。另外薩克達今年夏天轉會窗打開後損失慘重，多名主力離開令到其實力大減。中場杜格拉斯哥斯達被拜仁「俘虜」後踢到風生水起，另一位中場費蘭度轉投森多利亞都生活得唔錯。儘管他們在國內聯賽表現出色，不過無論係烏克蘭點樣打橫行都好，「山雞」又點同「鳳凰」比。今仗出征貝拿比奧球場，薩克達應該考慮下輸少當贏。