多蒙特上盤一定「德」

開咧至今三條戰線皆踢到虎虎生威的多蒙特在週四凌晨繼續出擊，他們將坐鎮威斯法倫體育場與乙組仔柏德博恩爭奪一席德國盃第三圈入場券。多蒙特近期火力十足，加上主場威力一向得人驚，此番面對實力不值一提的柏德博恩，多蒙特簡直可以當正「私房菜」咁食，預料又會係一場入球騷。

好多波友都會話，豪門平時賽程咁密，踢國內盃賽肯定會半力去馬。但青春逼人的多蒙特根本唔Buy呢套，睇返球隊在德國盃第一圈面對名不見經傳的真尼沙，曉姆斯、根杜簡、馬高雷斯和奧巴美揚等前中後三線正選齊齊上陣，如此重視程度亦足可說明近4年3入決賽絕非邭狻Ｅc此同時，多蒙特近來攻擊力簡直嚇死人，近3仗各項賽事共入10球，已經被大吹特吹的鋒線快馬奧巴美揚不必多說，反而真正的當家球星馬高雷斯擺脫傷患逐漸入局先令一眾「蜜蜂迷」頓感欣慰。由於整體牌面遠勝來訪的柏德博恩，加上有聯賽至今主場八成勝率的有力支持，多蒙特今鋪贏波晉級絕無問題，再睇返目前澳彩上下盤開出三球半/四球，追返注上盤都應該袋袋平安。

講完多蒙特，當然都要提下今仗對手柏德博恩，睇返他們近4年在德國盃的表現，用寒酸來形容已經算相當禮貌，畢竟此前4年球隊在此項賽事的最好戰績亦只是殺入到第二圈。而且鑒於柏德博恩目前在德乙亦只是排名中下游地帶，此行與其要以卵擊石，倒不如留返心機專心應付聯賽爭奪。