薩克達客戰聖日門追得過

薩克達今鋪食粥食飯就睇攻擊手阿歷斯迪西拿的表現。

唔經唔覺，歐冠盃分組賽已經上演到最後一輪角逐，英超三強(曼聯、阿仙奴、車路士)命吒�加牽動廣大擁躉的心。不過在下今日就拋開情感，一於利字當頭，將目光對準係禮拜三凌晨進行的其中一場A組賽事，巴黎聖日門主戰薩克達。

點解咁著重推介呢場波？大家首先可以睇返呢場波的背景，已經提前晉級的聖日門由於對賽戰績不及A組一哥皇馬，所以係目前落後3分的情況下他們註定將會以A組二佬身份出線；至於客軍薩克達，雖然如今已經宣告夢碎分組賽，但由於係對賽球差上優於暫時同積3分排名A組第四的馬模，今鋪只要從巴黎帶走3分，薩克達就可以憑藉第三名身份轉戰歐霸盃。雖然歐霸盃級數無法比擬歐冠盃，但薩克達話曬都係烏克蘭班霸級球隊，歐洲賽事事關面子問題，全隊上下肯定去到盡。

至於係人腳上方面，兩隊目前加埋只有聖日門中場柏斯杜尼肯定有傷高掛免戰牌，但兵多將廣的他們絕對無有怕。不過問題就在於一眾明星球員係戰意明顯不足的情況下肯定有所保留，而且接下來聯賽更加要面對勁敵里昂，勢必更加分心。相反薩克達雖則整體實力上無法對抗，但前場巴西幫同樣唔講得笑，以上仗分組賽面對皇馬獨中兩元的攻擊手阿歷斯迪西拿為首的薩克達攻擊線確實可寄予厚望。

最後壓軸時間當然要睇下心水投注項目，目前澳彩無論亞盤(讓一球/球半)抑或是標準盤(主勝1.36)皆一致睇好聖日門，但在嚴重缺乏爭勝動力之下相信聖日門可以繼續幫助大家發家致富實在唔現實。係呢兩個蠱惑盤的「刺激」下，今鋪緊追薩克達絕無商量。