活塞靜候溜馬

活塞王牌祖蒙特(左)內線威力十足。

個個都話今季NBA東強西弱，在下今日都一於同大家推介返場東岸賽事，係禮拜日早上，上仗皆齊齊搵返勝利感覺的活塞和溜馬就將係底特律上演1場東岸內戰。兩隊整體實力相當接近，誰勝誰負實在難料，不過盤路方面卻有條靚路畀大家行，今鋪絕對有望執返餐茶錢。

係熱火及七十六人呢兩支球隊的「鼎力支持」下，活塞與溜馬齊齊係上仗結束連敗重返勝軌。而兩隊王牌祖蒙特和P.佐治則依然繼續有上乘發揮，前者18分加16個籃板控制內線，後者則貢獻23分，近3場更加均場射下34.7分，火力驚人。至於係第二火力點上，活塞與溜馬同樣不逞多讓，烈治積遜和艾利斯兩位後衛在外線之纏鬥同樣看點十足。所以單論球隊近況及整體牌面，雙方今鋪對碰註定會打得異常膠著，勝負恐怕將係一線間。

可能會有波友覺得，活塞今季主場好惡，賽季至今8勝3負認真唔講得笑。但問題就在於，呢3場敗仗其中1場正正就係以雙位數分差不敵今仗對手溜馬，而且睇返雙方過去6次交手，活塞輸足5次讓分盤，都咪話唔邪。係勝負難料的情況下，呢次不如相信歷史，小投一注或有望「馬」到成功。