雷霆笑迎木狼

一到週末，足球固然多波玩，但NBA的精彩程度同樣唔輸蝕。其中雷霆在禮拜六早上主場約戰西岸倒數的木狼就係在下是日重點推介場次。兩隊實力相距較為懸殊，即使提前講勝負已定亦絕不為過，不過有無肉食先係關鍵。 

 

28同12呢兩個數字同雷霆及木狼目前戰績可謂息息相關，區別就在於前者如今係28勝12負，至於後者則是12勝28負，雙方實力差距大家心知肚明。其實木狼班底睇落唔算弱，但實則問題多多，一眾老將如前鋒普林斯等明顯下滑，而內外線新星安祖域堅斯及卡爾唐斯雖則數據不俗，但距離撐起成班波仍有較大差距。相反主隊雷霆作為爭冠之師，自去年12月初至今的21場常規賽錄得17勝4負，同時外線雙子星韋斯博克與杜蘭特今季繼續交足功課，二人賽季至今均場可聯手交出50+的得分。與此同時，韋斯博克在上仗與小牛的賽事中因為衝突食到兩個技犯被驅逐出場，滿肚怨氣的他今鋪勢必將怒火全數發洩予木狼。 

 

比賽勝負懸念不大，咁呢場波又有乜看點？其實睇返木狼的作客表現，自去年11月尾至今10場僅贏1場，而且當中有8場更加開出上盤。至於雷霆同樣相當「配合」，過去6仗主場賽事則開出5場上盤，兩隊可謂同樣好「大」喜「攻」，今鋪一於追返注上盤，執返餐茶錢問題不大。