快艇主迎騎士上盤格

騎士控衛K.艾榮得分能力突出。

NBA係即將到來的禮拜一賽事唔多，不過在凌晨時段仍然有焦點對決上演，東岸一哥騎士將在洛杉磯挑戰快艇。兩隊如今同樣未能「夫添」上陣，今鋪勝負恐怕將在一線間。 

 

在擊敗魚腩湖人後，騎士繼續停留係洛杉磯，今鋪對手將係實力高出兩班的快艇，可以講後者毫無疑問係騎士本次四連客之旅的最大考驗。對於騎士而言，今仗好消息自然係快艇核心B.基芬繼續高掛免戰牌；壞消息則在於本隊明星內線奇雲拿夫繼上仗因傷缺陣後，今鋪依然上陣成疑。在內線實力齊齊受損的情況下，今仗爭勝關鍵勢必會更多視乎外線之爭奪，基斯保羅與K.艾榮兩位明星控衛的直接對話尤其惹人關注。前者擅傳(過去3仗均場交出12.6次助攻)、後者擅射(過去3仗均場貢獻27.6分)，在兩隊過去一個禮拜戰績相同的情況下，二人今仗對決誰能笑到最後亦好大可能決定比賽勝負誰屬。 

 

由於有內線大將缺陣的情況下，騎士主教練勞爾上仗將投射能力較強的內線贊寧菲爾排入正選，最終效果不俗並且全隊火力全開。而計埋呢場上下盤全場開出上盤後，騎士已經連續4仗開出同一盤路。在今鋪勢必會以外線為主導的情況下，兩隊合演1場進攻大戰可謂合情合理，今仗一於去馬上盤。